Татарстан эшмәкәрләренә ярдәм күрсәтелә

Татарстан эшмәкәрләренең 4,4 меңнән артыгы эшләүчеләргә хезмәт хакы түләү өчен процентсыз займнардан һәм кредитлардан файдаланган. Алар 10,5 миллиард сум акча алган.
Хезмәт хакын түләү өчен 16 банкта заем алырга була. Кредит бер елга исәпләнгән. Беренче алты айда эшмәкәр процент түләмәскә мөмкин, ә ярты елдан бизнес өчен ставка елына 4 процент тәшкил итәчәк. 
Шулай ук икенче программа бар, еллык 2 процент белән займнар бирү. Ул шулай ук хезмәт хакын түләүгә юнәлдерелгән. Аның аермасы — бизнеста мәшгульлек сакланганда, кредит буенча төп өлешне дә, процентларны да түләмәү мөмкинлеге булачак.