Татарстан машина йөртүчеләренә томан вакытында юл кагыйдәләрен үтәү турында искәрттеләр

Татарстанлыларны һава торышы начараю турында кисәттеләр. Бүген республикада томан, яңгыр һәм секундына 20 метр тизлек белән исүче җил.

Дәүләт автоинспекциясе машина йөртүчеләргә аеруча сак булырга кирәклеге турында кисәтә:

• тизлекне киметегез, машиналар арасында дистанцияне арттырыгыз, томанга каршы фаралар кулланыгыз;
• ян яктан җил исүгә әзер булыгыз, бигрәк тә юлларның ачык участокларында. Кисәк маневрлар ясамагыз һәм алдан барган машиналарны узмаска тырышыгыз.
• юлда барган чакта һава торышы начарланган очракта, куркынычсыз урында туктап һава торышы җайланганын көтеп торыгыз.