Татарстан MAX мессенджерын кертү буенча Россия төбәкләре арасында алдынгы өчлеккә керде

Татарстан MAX мессенджерын кертү буенча Россиянең топ-3 регионына керде. Бу хакта VK стратегик проектлар буенча вице-президенты Рөстәм Хәйбулловның презентациясеннән билгеле булды. Ул ТР цифрлар министрлыгының йомгаклау коллегиясе утырышында чыгыш ясады, дип яза «Татар-информ».

Хәйбуллов хәбәр иткәнчә, Татарстан кулланучыларның «Сферум» платформасыннан MAX мессенджерына күчүендә актив катнашкан беренче төбәк булды.

«Татарстан монда әлеге актив миграциядә, күченүдә катнашкан беренче пилот төбәк булды», — диде ул.

Цифрлы ID технология гамәлгә ашырылган илдә безнең республика беренчеләрдән булды. Ул берничә кәгазь документны алыштыра. 1,5 миллионнан артык россияле бу мөмкинлектән файдаланган инде, дип хәбәр итте Хәйбуллов.

«Бу студентларның, күп балалы гаиләләрнең ташламалары, бу дәүләт хезмәтләре белән интеграция хисабына яшьне раслау. Хәзерге вакытта 1,9 мең кибет Татарстан Республикасында технологияне куллана һәм гражданнар өчен бу мөмкинлекне гамәлгә ашыра. Димәк, платформаны үстереп, без акрынлап документлар санын арттырачакбыз. Хәзерге вакытта аңа Татарстан Республикасында ихтыяҗ зур», — диде Хәйбуллов.

MAX мессенджерында туризм өлкәсендә сервисларны актив үстерәләр. Инде хәзер үк кулланучыларны һәм кунакханә кунакларын онлайн-бронь ясау һәм теркәү мөмкинлеге бар. Хәйбуллов ассызыклаганча, Татарстан, күп санлы чаралары һәм кунаклары булган кунакчыл регион буларак, бу процесста актив катнаша. Республиканың 30дан артык кунакханәсе милли мессенджерда онлайн-бронь сервисына тоташты.

Татарстан медицина тикшеренүенә һәм шәхси мәгълүматларны эшкәртүгә электрон килешү имзалау мөмкинлеген керткән беренче төбәк булды, дип белдерде Хәйбуллов. Бу функция инде башка төбәкләргә дә җәелдерелә.

«Татарстан беренчеләрдән булып [табибларга] язылу сервисларын эшләтеп җибәрде. Хәзерге вакытта илдә 60 тан артык төбәк мондый мөмкинлекне гамәлгә ашырды инде. Безнең өчен мөһим этап — больничныйны онлайн режимда ябу мөмкинлеген гамәлгә ашыру», — дип игълан итте VK стратегик проектлары буенча вице-президент.

Республика гражданнар өчен барлык сервисларны бер кушымтада берләштерү тәҗрибәсен формалаштырды, бу Россия Федерациясенең башка субъектлары өчен яхшы үрнәк булды, дип йомгаклады ул.