Татарстан Министрлар Кабинетының ТКХ һәм транспорт бүлеге башлыгы Фаил Салихов тоткарланды.

Ул 2,5 миллион сумлык ришвәт тапшырганда арадашчы сыйфатында тоткарланган. Якын арада суд аңа чик кую чарасын сайлый.

Ул үз гаебен таныды, дип яза «Татар-информ». 

Үзенең хәзерге вазыйфасына билгеләнгәнче, Салихов ТР Министрлар Кабинеты Аппаратының дәүләт хакимияте һәм җирле үзидарә башкарма органнарының үзара хезмәттәшлеген оештыру бүлеге башлыгы, ә 2013 елдан Татарстан Республикасының 3 класслы Дәүләт киңәшчесе була.