Татарстан синоптиклары Яңа ел төнендәге һава торышы турында сөйләде

Яңа ел төнендә Татарстанда, көнчыгышка китүче циклонның тылдагы өлешендә, кар явачак, кайбер районнарда буран көтелә. Республика Гидрометеорология һәм әйләнә-тирә мохитне күзәтү идарәсе шул хакта хәбәр итә, дип яза «Татар-информ».

«Ял көннәрендә, 30-31 декабрьдә, Россиянең Европа өлеше территориясенең төньяк-көнбатышыннан күчә торган циклоннар йогынтысында, республикада кар, җепшек кар, көньяк районнарда карлы яңгыр рәвешендә явым-төшемнәр фаразлана», — диелә хәбәрдә.

30 декабрьдә тәүлек дәвамында кайбер районнарда томан төшәргә, 31 декабрьдә көндез буран чыгарга мөмкин. Шимбә көнне һава температурасы −6..-11 градус, көндез −2..-7 градус, республиканың көньяк районнарында +1 градус тәшкил итәчәк.

31 декабрьдә исә төнлә −2..-7 градус, төньяк районнарда −12 градус, көндез +1..-4 градус булыр дип көтелә.