Татарстанда 11 мең кеше короновирустан бушлай дару алды

Татарстанда 11 мең кеше короновирустан бушлай дару алды, дип сөйләде «Татар-информ» агентлыгында үткән матбугат конференциясендә ТР сәламәтлек саклау министры урынбасары Фәридә Яркәева. 
Җитәкче сүзләренчә, бүгенге көндә якынча 11 мең татарстанлының өенә түләүсез дару китерелгән. 
Түләүсез препаратлар ПЦР-тестлары расланган кешеләргә дә, расланмаган һәм ОРВИ яки вируслы пневмония билгеләре булган авыруларга да бушлай китерелә, дип искә төшерде Яркәева. 
Авырулар арту сәбәпле, әлеге сан үзгәреп тора.