Татарстанда 17 яшьлек студент кыз авариягә очраган машинада янып үлгән

Авария 20 сентябрь кичендә 21 сәгать 45 минутта Мамадыш районында була. Җиңел машина «Камаз» йөк машинасына бәрелә. "Камаз"га бәрелгәч, җиңел машина яна башлый. Йөртүчесе машинадан чыга, ә аның пассажиры урында ук һәлак була.
«Челнинские известия» хәбәр иткәнчә, яшьләр Казаннан Алабугага таба кайтып бара торган булганнар.
Хәвеф-хәтәр урынына Мамадыш районы прокуроры бара. Авариянең сәбәпләре һәм шартлары ачыклана.