Татарстанда 27 меңнән артык кеше 3 яшьтән 7 яшькә кадәрге балалар өчен түләүләр алачак

Татарстанда 3 яшьтән 7 яшькә кадәрге балалары өчен 27,4 мең кеше яңа түләүләргә хокуклы. Бу хакта «Татар-информ» мәгълүмат агентлыгында ТР Хезмәт, мәшгульлек һәм социаль яклау министры Эльмира Зарипова хәбәр иткән. 
Эльмира Зарипова билгеләп үткәнчә, түләү Владимир Путин боерыгы белән билгеләнгән һәм гражданнарның керемнәрен исәпкә алып түләнә.
Түләүгә керемнәре төбәктәге яшәү минимумыннан — 9450 сумнан кимрәк керемнәре булган гаиләләр хокуклы. Аның күләме 4686 сумга тиң.