Татарстанда 35 градус эссе булачак

Татарстан хәзер кояш антициклоны йогынтысы астында. Шуңа күрә якын көннәрдә республикада 35 градуска кадәр аномаль эсселек көтелә. Бу хакта ТР Гидрометеорология үзәге хәбәр итә.

Бүген, 22 июньдә, республика территориясендә явым-төшемсез, кояшлы һава сакланачак. Төнлә һава температурасы +15..20 градус. Мондый эссе һава торышы атна буена саклана, диләр синоптиклар.

23 июньнән атмосфера фронтларының якынлыгы аркасында кыска вакытлы яңгырлар фаразлана.