Татарстанда әбиләр чуагы кичектерелә

Бу ял көннәрендә ТРда циклон тәэсирендә тотрыксыз һава торышы саклана. Урыны белән яңгыр явуы, яшен булуы ихтимал. Бу хакта "Татар-информ" МА хәбәрчесенә ТР Гидрометеорология һәм әйләнә-тирә мохитне күзәтү идарәсенең метеофаразлар бүлеге башлыгы Ирина Трущина хәбәр итте.
Аның сүзләренчә, бүген республиканың барлык территориясендә яңгыр ява, аерым районнарда - көчле. Шимбә көндез ТР буенча - 17-22 , якшәмбе - 18-23 градус җылы.
Синоптикларның фаразлары буенча, республикада һава торышы киләсе атнаның икенче яртысыннан яхшырыр, дип көтелә.

"Татар-информ"