Татарстанда бу атнада температура нормадан ике градуска югарырак булачак

Татарстанда 14 сентябрьгә кадәр температура нормадан 1-2 градуска югарырак булыр дип фаразлана. Бу хакта «Татар-информ» га «МЕТЕО» фаразлау үзәге синоптигы Александр Ильин хәбәр итте.

«Эш атнасы ахырына кадәр тулаем республика буенча температура +16...+21 градуска кадәр булачак», — диде агентлык әңгәмәдәше.

Татарстанда ял көннәрендә һава +20 градуска кадәр җылыначак.

«Җилнең юнәлеше үзгәреп торачак: чәршәмбе — төньяк-көнбатыштан, пәнҗешәмбе — төньяк-көнчыгыштан, җомга — көнчыгыштан, ә шимбә һәм якшәмбе төньяк-көнчыгыштан булачак. Аның тизлеге эш көннәрендә секундына 3-6 метр һәм ял көннәрендә 11 метрга кадәр җитәчәк. Һава торышы бик уңайлы», — дип өстәде Ильин.

Ул билгеләп үткәнчә, пәнҗешәмбе көнне республикада бераз яңгыр яварга мөмкин.