Татарстанда буран, бозлавык һәм томан көтелә

Сишәмбе, 24 октябрьдә, Татарстан территориясендә начар һава торышы булачак. Көн дәвамында томан, көчле яңгыр һәм кар көтелә.

Көндез урыны белән буран чыгуы ихтимал, юлларның аерым участокларында бозлавык булырга мөмкин. Бу көнне тәүлек эчендә айлык норманың яртысы күләмендә яңгыр явачак, дип кисәтә республиканың Гидрометеоүзәге.

Һава температурасы төнге сәгатьләрдә −5 тән 0 градуска кадәр, көндез +1 дән +6 градуска кадәр тәшкил итәчәк, дип фаразлый метеорологлар.