Татарстанда элегрәк барлыкка килгән хокукларны теркәүгә дәүләт пошлинасы бетерелде

Татарстанда ЕГРНда күчемсез милеккә хокукны теркәү өчен 350 сум күләмендә дәүләт пошлинасын бетерделәр. Бу хакта ТР Җир һәм мөлкәт мөнәсәбәтләре министры Фәнил Әһлиуллин хәбәр итте.

Әлеге инициатива Россия Финанс министрлыгы тарафыннан хупланды һзм ул узган елның 29 декабреннән эшли башлады. Үзгәрешләр салым кодексына кертелде.

Министр аңлатуынча, әлеге яңалык торак йортка гомуми документ бирелгән вакытта, 1997 елга кадәр хокукы теркәлгән күчемсез милеккә кагыла.