Татарстанда грипп белән авыручылар әлегә юк

ТР буенча Роспотребнадзор идарәсе җитәкчесе урынбасары Любовь Авдонина сүзләренчә, бүгенге көндә Татарстанда грипп белән авыручылар юк. Ләкин риновирус һәм бокавирус белән чирләүчеләр бар. 
«Соңгы атнада этиологиясе грипп булмаган вирус белән авыручылар ачыкланды. Бу — бокавирус һәм риновирус. Барлыгы 11 очрак», — дип хәбәр итте Авдонина.
Җитәкче сүзләре буенча, республикада әлегә грипп белән авыручылар теркәлмәгән. 
Роспотребнадзор авыручыларга лаборатор диагностика үткәрүне дәвам итә.