Татарстанда иң коррупцион өлкәләрне атадылар

ТРның коррупция чәчәк аткан өлкәләренә торак-коммуналь хуҗалык, мәгариф һәм медицина кергән. Бу хакта ТР буенча Эчке эшләре министрлыгының икътисади куркынычсызлык идарәсе башлыгы Дмитрий Козлов хәбәр итә. 
Козлов сүзләренчә, безнең республикада балалар бакчалары җитәкчелеге ришвәтчелектә еш тотыла. 
Моннан тыш, ришвәт алудан югары уку йортлары укытучылары һәм военкомат хезмәткәрләре дә баш тартмый. Дмитрий Козлов әйтүенчә, военкоматларда рившәтчеләр төркем белән эшли, арадашчылар үз хезмәтләрен тәкъдим итә.