Татарстанда яңгыр һәм +22 градуска җылылык көтелә

Дүшәмбе көнне, 7 октябрьдә, Татарстанда болытлы, көндез алмашынучан болытлы һава була. Урыны белән яңгыр явачак.

ТР Гидрометеорология үзәге фаразлавынча, җил көньяк-көнчыгыштан, көньяктан секундына 4-9 метр тизлектә исә, көндез урыны белән аның тизлеге секундына 14 метрга кадәр көчәячәк дип көтелә.

Термометр баганалары көндез +12..+17 градуска кадәр күтәреләчәк, көньяк районнарда +22 градуска кадәр.