Татарстанда яшәүче 80 меңнән артык кеше проблемалар турында «Халык контроле» аша хәбәр итте

Татарстанлылар 2025 елда «Халык контроле» дәүләт платформасы аша 84 меңнән артык мөрәҗәгать юллаган. Бу хакта Татарстан Республикасында Кеше хокуклары буенча вәкаләтле вәкил Сәрия Сабурская цифрлы кире элемтә каналлары белән эшләүгә йомгак ясап хәбәр итте.

Аның сүзләренчә, цифрлы технологияләр бүген халык һәм хакимият арасында аралашуда төп роль уйный. Республикада берничә платформа эшли — «Халык контроле», «Решаем вместе» һәм социаль челтәрләрдә яшәүчеләрнең мөрәҗәгатьләрен анализлаучы «Инцидент-менеджмент» системасы.

«Быел гына да «Халык контроле» аша 84 мең мөрәҗәгать һәм хәбәрнамә кергән. 2012 елда системаны эшләтеп җибәргәннән бирле — 1,8 миллионнан артык ярдәм һәм 4 миллионнан артык шәрех», — дип билгеләде Сабурская.

Халык еш кына төзекләндерү, юлларның һәм торак-коммуналь хуҗалыкның торышы белән бәйле темаларны күтәрде. Платформа барлыгы 119 юнәлешне колачлый, һәм, омбудсмен сүзләренчә, гражданнар һәм хакимият арасында диалог коралы буларак үзенең нәтиҗәлелеген исбатлаган.