Татарстанда кар, җепшек кар һәм 3 градус җылылык көтелә

Бүген 14 ноябрьдә, Татарстанда болытлы һәм дымлы, чагыштырмача җылы һава торышы көтелә. Бу хакта республиканың Гидрометеорология үзәге хәбәр итә.

Болытлы һава торышы була. Кар һәм җепшек кар явачак. Юлларда урыны белән бозлавык була.

Көнбатыштан һәм көньяк-көнбатыштан секундына 5-10 метр тизлектә җил исә. Вакыты белән җил тизлеге секундына 13 метрга кадәр җитә.

Көндез һава температурасы −1...+3 градус.