Татарстанда коронавирус йоктыруның 33 яңа очрагы ачыкланган

Яңа вирус йоктырган 19 кеше хастаханәгә озатылган, 14 кеше өйдә дәвалана. 

Казанда — 17, Чаллыда — 5, Бөгелмәдә — 4, Азнакай, Аксубай, Актаныш, Әлмәт, Лаеш, Минзәлә һәм Спас районнарында берешәр кеше йоктырган.

14 майга алынган мәгълүматлар буенча, Татарстанда барлыгы COVID-19 белән авыруның 20 944 очрагы теркәлгән. 

Пандемия башланганнан бирле коронавирус инфекциясе йоктырган 17 923 кеше савыккан, узган тәүлектә — 55 кеше.