Татарстанда короновирустан ике кеше үлгән 

1973 елгы ир-ат яңа вирус нәтиҗәсендә барлыкка килгән үпкә ялкынсынуы диагнозы белән китерелә. Авыруның хәле хроник чирләр аркасында катлаулана. 
1963 елда туган хатын-кыз хастаханәгә пневмония диагнозы
белән китерелә. Авыруның хәле шулай ук хроник чирләр сәбәпле катлаулана.
Ике очракта да үлем сәбәбе патологоанатомик экспертиза нәтиҗәсендә билгеләнгән. Вирус идентификацияләнгән.
Туганнары һәм якыннарының кайгысын уртаклашабыз.
Пандемия башланганнан бирле 12 ноябрьгә COVID-19дан 119 үлем очрагы теркәлгән.