Татарстанда кыш аномаль җылы башланачак

Декабрьнең беренче атнасында республикада бу вакыт өчен гадәттән тыш җылы һава торышы булачак, нормадан 8-10 градуска тайпылыш күзәтеләчәк. Сизелерлек кар капламы көтелми.

Атнага фараз:

Дүшәмбе: болытлы, әмма явым-төшемсез. Температура төнлә +2°C, көндез +4°C кадәр.

Сишәмбе—пәнҗешәмбе: Төнлә йомшак кырау (-1°C кадәр) һәм катнаш фазада бераз явым-төшем булырга мөмкин. Көндез явым-төшемсез, +1°С тан +3°С ка кадәр. Иртән томан булуы ихтимал.

Җомга: кич белән республиканың төньягында һәм көнчыгышында бераз кар явуы ихтимал. Көндез температура 0°C чамасы, кичкә −3°C кадәр төшәчәк.

Җил көчле булмаячак, секундына 2-3 метрга кадәр җитәчәк.