Татарстанда М5 автоюлының дүрт участогында хәрәкәт торгызылган

Бу хакта Россия гадәттән тыш хәлләр министрлыгының республика буенча баш идарәсе матбугат хезмәтендә хәбәр итә.

18 гыйнварда 07:00 сәгатькә Татарстан Республикасы территориясендә федераль әһәмияттәге М-5 автомобиль юлының 4 участогында барлык төр автотранспорт чаралары өчен хәрәкәт чикләүләре алынды. 

Чикләүләр Бөгелмә районында 1239 километрдан 1240 километрга кадәр өч участокта, 1243 километрдан 1245 километрга кадәр, 1253 километрдан 1257,5 километрга кадәр һәм Баулы районында 1257,5 километрдан 1280 километрга кадәр бер участокта бетерелгән.