Татарстанда май бәйрәмнәреннән соң смс-пропусклар гамәлдән чыгарыла

ТР Министрлар Кабинеты тарафыннан “Татарстан Республикасында коронавирус инфекциясе таралуны булдырмауга юнәлтелгән чаралар турында”гы яңа карар кабул ителгән. Аның нигезендә 12 майдан гражданнарга эш бирүчедән белешмә алырга яки смс-пропуск алырга кирәкми. Бу хакта “Татар-информ” мәгълүмат агентлыгына Татарстан Юстиция министрлыгының норматив-хокукый актларны теркәү һәм эшчәнлекне хокукый тәэмин итүче бүлеге җитәкчесе Эльмира Слепнева хәбәр итә.