Татарстанда меңләгән вакансия ачылды: 2025 елда белгечләрне кайларда көтәләр

Республиканың мәшгульлек үзәгендә техник һәм эшче белгечләргә кытлык күзәтелә, шул ук вакытта офис һәм иҗат һөнәрләрендә югары конкуренция саклана.

Аеруча кирәкле юнәлешләр:

Сәнәгать — инженерлар (конструкторлар, технологлар, механиклар) һәм квалификацияле эшчеләр (токарь, фрезерлаучы, шлифовщик).

Төзелеш — проектлаучылар, электромонтажчылар, эретеп ябыштыручылар, буяучылар.

Транспорт һәм логистика — пассажир һәм йөк транспорты йөртүчеләре, логистлар, авторемонт белгечләре.

Социаль өлкә — табиблар (терапевтлар, педиатрлар), урта медицина персоналы, педагоглар, тәрбиячеләр, социаль хезмәткәрләр.

Сәүдә — сатучы-консультантлар, кассирлар, администраторлар.

Мәшгульлек хезмәте базасында иң популяр вакансияләр — монтажчылар, арматурчылар, бетончылар, эретеп ябыштыручылар, машина йөртүчеләр, пешекчеләр һәм тегүчеләр.

Югары конкуренцияле өлкәләр:
Консалтинг, стратегик үсеш, сәнгать, мәдәният, бухгалтерия, финанс, юриспруденция һәм административ эш өлкәсендә эш бирүчеләрнең ихтыяҗы чикләнгән. Монда эзләүчеләргә туры килгән позицияне табу катлаулырак.