Татарстанда Муса Җәлилгә багышланган «Кара урман» фильмы күрсәтелә башлый

2026 елның 12 февраленнән Татарстан Республикасы кинотеатрларында «Кара урман» нәфис фильмы прокаты башлана. Премьера бөек татар шагыйрь-каһарманы Муса Җәлилнең тууына 120 ел тулуга багышлана.

Режиссер Радик Кудояровның кинотасмасы Татарстан Республикасы финанс ярдәме белән төшерелгән. Ул Бөек Ватан сугышы елларында фашистлар тарафыннан җәзалап үтерелгән Муса Җәлил һәм аның иптәшләренең фаҗигале язмышы турында сөйли.

Фильм инде киң танылу алды һәм күп тапкырлар дәрәҗәле халыкара кинофестивальләрдә югары бүләкләргә лаек булды, бу аның сәнгати кыйммәтен һәм көчле эмоциональ йогынтысын ассызыклый.

Татарстанда яшәүчеләрне һәм кунакларны милли геройны искә алырга һәм тарихның бу мөһим бите белән зур экранда танышырга чакырабыз.

12+