Татарстанда октябрь ае бозлы яңгыр, бозлавык һәм томан белән тәмамлана

31 октябрьдә Татарстан территориясендә болытлы һава торышы көтелә, көчле җил, җепшек кар һәм яңгыр булачак. Бу хакта республиканың Гидрометеорология үзәге кисәтә, дип яза «Татар-информ».

Синоптиклар аерым районнарда бозлы яңгыр, бозлавык, томан һәм дымлы кар явачагын искәртә.

Төнлә һава температурасы 0..-5 градус тәшкил итәчәк, ә көндез 1 дән 6 градуска кадәр күтәрелә һәм көньяк районнарда +9 градус була.

Республика юлларында көчле бозлавык көтелә.