Татарстанда ресторан һәм кафеларга Яңа ел төнендә сәгать 03.00гә кадәр эшләргә рөхсәт иттеләр

Татарстанда җәмәгать туклануы учреждениеләренә Яңа ел төнендә сәгать 03.00гә кадәр эшләргә рөхсәт иттеләр. Бу хакта карарны республика премьер-министры Алексей Песошин имзалады.
Башка көннәрдә бу объектлар гадәттәгечә 24.00гә кадәр эшләячәк.
Моңа кадәр без рестораторларның Миңнехановка яңа ел төнендә чикләүләрне йомшарту турында үтенүләре хакында язган идек. 
Бүген ТР Президенты үтенечне тикшерде һәм, Роспотребнадзорның барлык киңәшләрен үтәүнең мөһимлеген искә төшереп, уңай карар кабул итте.