Татарстанда сәүдә үзәкләрен һәм кафеларны ачарга рөхсәт иттеләр

ТР Министрлар Кабинетының тиешле карарын Премьер-министр Алексей Песошин имзалады.
15 июльдән республикада 40 квадрат метрдан ким булмаган бинада 10 кеше, 40 квадрат метрдан артык булган биналарда бер кешегә буш мәйдан 4 квадрат метрдан чыгып билгеләнә. Һәр кешегә 4 квадрат метрдан да ким булмаган буш мәйдан белән тәэмин иткәндә, ваклап сату объектлары эше рөхсәт ителә.
Мәдәни-массакүләм һәм күңел ачу чаралары элеккечә үк тыела, 1,5 метр дистанцияне тәэмин иткәндә һәм бер өстәл артында 4 кешедән дә артмаганда җәмәгать туклануы эше рөхсәт ителә. Биналарның тулуы 50 проценттан да артмаска тиеш диелә карарда.
Шулай ук катнашучылар саны буенча билгеле бер чикләүләр белән никахларны теркәү рөхсәт ителә: 4 квадрат метрга бер кеше исәбеннән. 
Үз эшләрен ачык һавада аттракционнар һәм зоопарклар да башларга мөмкин. Шул ук вакытта Татарстанда кинотеатрлар, кальянныйлар, төнге клублар, балалар өчен уен бүлмәләре һәм күңел ачу үзәкләре ябык булып кала, массакүләм чаралар тыела. 
Таксистларга, элеккегечә, икедән дә артык пассажир йөртү тыела.