Татарстанда соңгы тәүлектә 102 кеше короновирус йоктырган

Татарстанда соңгы тәүлектә короновирус йоктыруның 102 яңа очрагы ачыкланган. Яңа вирус йоктырган 27 кеше хастаханәгә озатылган, 75 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 9 , 30дан 50 яшькә кадәр — 43, 50дән 60 яшькә кадәр — 21, 60тан 70 яшькә кадәр — 14, 70тән 80 яшькә кадәр — 8, 80нән 90 яшькә кадәр — 5 очрак ачыкланган.

Казанда — 55, Чаллыда — 11, Чистайда — 5, Буа һәм Лаеш районнарында — 3шәр, Аксубай, Балтач, Яшел Үзән, Кукмара, Түбән Кама, Яңа Чишмә, Питрәч, Спас районнарында — 2шәр, Әгерҗе, Алексеевск, Арча, Бөгелмә, Югары Ослан, Кайбыч, Кама Тамагы, Норлат һәм Тукай районнарында берешәр кеше йоктырган.

23 декабрьгә алынган мәгьлүматлар буенча, Татарстанда барлыгы COVID-19 белән авыруның 12 480 очрагы теркәлгән. 
Пандемия башланганнан бирле коронавирус инфекциясе йоктырган 10 555 кеше савыккан, узган тәүлектә — 22 кеше.