Татарстанда соңгы тәүлектә 267 кеше COVID-19 йоктырган

Яңа вирус йоктырган 81 кеше хастаханәгә озатылган, 186 кеше өйдә дәвалана.

Казанда — 146, Чаллыда — 27, Яшел Үзәндә — 12, Буада — 10, Түбән Камада — 8, Лаеш, Нурлат һәм Сабада — 6, Югары Ослан, Биектау, Теләчедә — 5, Питрәч һәм Балык Бистәсендә — 4, Минзәләдә — 3, Әгерҗе, Әлмәт, Арча, Бөгелмә, Алабуга, Кукмара, Тукай районнарында — икешәр, Азнакай, Аксубай, Әлки, Зәй, Лениногорск, Мамадыш районнарында берешәр кеше йоктырган.

19 ноябрьгә алынган мәгълүматлар буенча, Татарстанда барлыгы COVID-19 белән авыруның 35 266 очрагы теркәлгән.

Пандемия башланганнан бирле коронавирус инфекциясе йоктырган 27 958 кеше савыккан. Узган тәүлектә — 360 кеше.

Барлыгы 1 897 255 кешегә прививка ясалган. Шулардан 1 368 547 кеше прививканың икенче дозасын ясаткан.