Татарстанда соңгы тәүлектә 31 кеше коронавирус йоктырган 

Яңа вирус йоктырган 14 кеше хастаханәгә озатылган, 17 кеше өйдә дәвалана.

Казанда — 15, Чаллыда — 7, Лениногорск — 3, Питрәч — 2, Актаныш, Биектау, Лаеш, Спас районнарында берешәр кеше йоктырган.

18 майга алынган мәгълүматлар буенча, Татарстанда барлыгы COVID-19 белән авыруның 21 074 очрагы теркәлгән.

Пандемия башланганнан бирле коронавирус инфекциясе йоктырган 18 014 кеше савыккан, узган тәүлектә — 33 кеше.