Татарстанда соңгы тәүлектә 32 коронавирус очрагы теркәлгән

Татарстан Республикасында коронавирус инфекциясе белән зарарлануның 32 яңа очрагы ачыкланган. Бу хакта ТР буенча COVID-19га каршы көрәш штабы хәбәр итә

9 кеше хастаханәләргә озатылган, 23 кеше өйдә дәвалана. Авыручыларның төп яшь төркемнәре түбәндәгечә: 18 яшькә кадәр — 2 очрак, 18дән 30 яшькә кадәр — 1 очрак, 30дан 50 яшькә кадәр — 15 очрак, 50дән 60 яшькә кадәр — 7 очрак, 60тан 70 яшькә кадәр — 5 очрак, 70тән 80 яшькә кадәр 2 очрак ачыкланган.
Казанда — 26 кеше коронавирус йоктырган. Әлмәт, Биектау, Яшел Үзән, Мамадыш, Минзәлә, Питрәч районнарында берәр очрак теркәлгән.

9 октябрьдә Татарстанда COVID-19 белән авыруның 7480 очрагы теркәлгән. Эпидемия башланганнан бирле коронавирус расланган 6362 кеше савыккан, соңгы тәүлектә — 21 кеше.