Татарстанда соңгы тәүлектә 53 кеше COVID-19 йоктырган 

Яңа вирус йоктырган 10 кеше хастаханәгә озатылган, 43 кеше өйдә дәвалана.

Казанда — 30, Чаллыда — 9, Тукай районында — 3, Актаныш, Әлмәт һәм Зәйдә — икешәр, Азнакай, Яшел Үзән, Лаеш, Лениногорск һәм Түбән Кама районнарында берешәр кеше йоктырган.

30 июльгә алынган мәгълүматлар буенча, Татарстанда барлыгы COVID-19 белән авыруның 23 876 очрагы теркәлгән.

Пандемия башланганнан бирле коронавирус инфекциясе йоктырган 21 205 кеше савыккан. Узган тәүлектә — 40 кеше.

Барлыгы 813 257 кешегә прививка ясалган. Шулардан 579 854 кеше прививканың икенче дозасын ясаткан.