Татарстанда соңгы тәүлектә коронавирус йоктыруның 84 яңа очрагы теркәлгән

Татарстанда соңгы тәүлектә коронавирус йоктыруның 84 яңа очрагы ачыкланган. 
Яңа вирус йоктырган 36 кеше хастаханәгә озатылган, 48 кеше өйдә дәвалана. 
Авыручыларның төп яшь төркемнәре түбәндәгечә: 18 яшькә кадәр — 5, 18дән 30 яшькә кадәр — 7, 30дан 50 яшькә кадәр — 28, 50дән 60 яшькә кадәр — 15, 60тан 70 яшькә кадәр — 19, 70тән 80 яшькә кадәр — 6, 80нән 90 яшькә кадәр 4 очрак ачыкланган.
Казанда — 36, Чаллыда — 14, Яшел Үзән һәм Тукай районнарында — 5шәр, Югары Осланда — 4, Чүпрәле һәм Лениногорск районнарында — 3шәр, Әлмәт, Түбән Кама районнарында — 2шәр, Алексеевск, Арча, Бөгелмә, Биектау, Алабуга, Зәй, Менделеевск, Яңа Чишмә, Нурлат, Питрәч районнарында берешәр кеше коронавирус йоктырган.
5 февральгә алынган мәгълүматлар буенча, Татарстанда барлыгы COVID-19 белән авыруның 16 469 очрагы теркәлгән.
Пандемия башланганнан бирле коронавирус инфекциясе йоктырган 12 978 кеше савыккан, узган тәүлектә — 97 кеше.
Спутник-V вакцинасы 15398 кешегә ясалган. Шулардан 3122 кеше икенче дозаны алган. Вакцинацияләүгә 5 төрле язылып була: 
1. РФ Дәүләт хезмәтләре бердәм порталы;
2. Татарстан Республикасы Дәүләт һәм муниципаль хезмәтләр порталы;
3. бердәм номер — 122;
4. КФҮкә мөрәҗәгать иткәндә
5. поликлиникага контакт телефоннары аша мөрәҗәгать иткәндә.