Татарстанда соңгы тәүлектә короновирус йоктыруның 96 яңа очрагы ачыкланган

Татарстанда соңгы тәүлектә короновирус йоктыруның 96 яңа очрагы ачыкланган. Яңа вирус йоктырган 33 кеше хастаханәгә озатылган, 63 кеше өйдә дәвалана. 

Авыручыларның төп яшь төркемнәре түбәндәгечә: 18 яшькә кадәр — 2, 18дән 30 яшькә кадәр — 10, 30дан 50 яшькә кадәр — 30, 50дән 60 яшькә кадәр — 20, 60тан 70 яшькә кадәр — 19, 70тән 80 яшькә кадәр — 9, 80нән 90 яшькә кадәр — 6 очрак ачыкланган.

Казанда — 56, Чаллыда — 11, Балык Бистәсендә — 6, Әлмәт һәм Яшел Үзәндә — 3шәр, Актаныш, Апас, Биектау, Түбән Кама һәм Тукай районнарында — 2шәр, Буа, Югары Ослан, Алабуга, Менделеевск, Мөслим, Норлат һәм Саба районнарында берешәр кеше йоктырган.

15 гыйнварга алынган мәгълүматлар буенча, Татарстанда барлыгы COVID-19 белән авыруның 14 637 очрагы теркәлгән. 
Пандемия башланганнан бирле коронавирус инфекциясе йоктырган 11 151 кеше савыккан, узган тәүлектә — 37 кеше.