Татарстанда студентлар өчен вузларда битлек режимы гамәлдә булачак

Яңа уку елында коронавирус пандемиясе белән бәйле рәвештә, студентлар дәресләр вакытында битлек киеп йөриячәк, ә укытучылар — перчаткалар да. Бу хакта «Татар-информ» мәгълүмат агентлыгында узган матбугат конференциясендә Роспотребнадзорның ТР буенча җитәкчесе урынбасары Марина Трофимова сөйләгән.
Марина Трофимова әйтүенчә, иҗади дәресләр үткәргән вакытта лектор һәм студентлар битлекләрсез була ала. 
Шулай ук термометрия режимы гамәлдә булачак. Югары уку йортларында санитайзерлар урнаштырылачак. Ачылыр алдыннан вуз махсус дезинфекция чаралары кулланып генераль җыештыру үткәрергә тиеш.