Татарстанда тагын 33 кеше коронавирус йоктырган 

Яңа вирус йоктырган 22 кеше хастаханәгә озатылган, 11 кеше өйдә дәвалана.

Казанда — 20, Чаллы, Лениногорск, Нурлат һәм Сарманда — икешәр, Әлмәт, Баулы, Балтач, Бөгелмә, Биектау районнарында берешәр кеше йоктырган.

12 майга алынган мәгълүматлар буенча, Татарстанда барлыгы COVID-19 белән авыруның 20 876 очрагы теркәлгән.

Пандемия башланганнан бирле коронавирус инфекциясе йоктырган 17 788 кеше савыккан, узган тәүлектә — 62 кеше.

Спутник-V вакцинасы белән 278 484 кешегә прививка ясалган. Шуларның 191 874е прививканың икенче дозасын ясаткан.