Татарстанда тагын 72 кеше коронавирус йоктырган 

Татарстанда соңгы тәүлектә коронавирус йоктыруның 72 яңа очрагы ачыкланган. Яңа вирус йоктырган 38 кеше хастаханәгә озатылган, 34 кеше өйдә дәвалана.

Авыручыларның төп яшь төркемнәре түбәндәгечә: 18дән 30 яшькә кадәр — 6, 30дан 50 яшькә кадәр — 10, 50дән 60 яшькә кадәр — 12, 60тан 70 яшькә кадәр — 25, 70тән 80 яшькә кадәр — 13, 80нән 90 яшькә кадәр — 6 очрак ачыкланган.

Казанда — 36, Чаллыда — 10, Түбән Кама һәм Нурлатта — 4шәр, Югары Ослан һәм Яшел Үзәндә- 3 шәр, Алексеевск, Буа, Тукай районнарында — 2шәр, Әлмәт, Чүпрәле, Алабуга, Менделеевск, Минзәлә, Сарман районнарында берешәр кеше йоктырган.

12 февральгә алынган мәгълүматлар буенча, Татарстанда барлыгы COVID-19 белән авыруның 17 026 очрагы теркәлгән.

Пандемия башланганнан бирле коронавирус инфекциясе йоктырган 13 632 кеше савыккан, узган тәүлектә — 83 кеше.

Спутник-V вакцинасы белән 35 125 кешегә прививка ясалган. Шулардан 6 135 кеше вакцинаның икенче дозасын алган. 

Барлыгы 81 122 комплект вакцина дозасының 43,3 % кулланылган.

103 вакцинация пункты эшли.

Вакцинациягә 5 төрле ысул белән язылырга була:

1.    РФ бердәм дәүләт хезмәтләре порталы (ЕПГУ)
2.    Татарстан Республикасының дәүләт һәм муниципаль хезмәтләр порталы
3.    122 бердәм номер
4.    МФЦга мөрәҗәгать итеп
5.    Хастаханәгә телефон буенча шалтыратып.