ХӘБӘРЛӘР
Татарстанда ташламага ия булучыларга торак-коммуналь хезмәтләр өчен түләүгә 2 миллиард сумнан артык акча бүлеп бирәчәкләр
Инвалидлар, ветераннар һәм фаҗигаләрдә зыян күрүчеләр өчен торак-коммуналь хезмәтләргә түләүнең яртысын дәүләт түләячәк.
2020 елда торак-коммуналь хезмәтләргә түләү буенча ташламалар бирү өчен федераль бюджеттан Татарстанга 2 миллиард сумнан артык акча юнәлдереләчәк. РФ Премьер-министры Михаил Мишустинның тиешле күрсәтмәсе Хөкүмәт сайтында бастырылган, дип хәбәр итә «Татар-информ».
Ташлама ветераннар, инвалидлар, шулай ук радиацион яки техноген катастрофалар нәтиҗәсендә зыян күрүче гражданнар өчен каралган. Алар торак-коммуналь хезмәтләр бәясенең 50 процентын түли, ә сумманың калган яртысы федераль бюджет хисабына каплана.
Следите за самым важным и интересным в Telegram-каналеТатмедиа
Нет комментариев