Татарстанда узган тәүлектә 45 кеше COVID-19 йоктырган 

COVID-19 йоктырган 10 кеше хастаханәгә озатылган, 35 кеше өйдә дәвалана. 
Авыручыларның төп яшь төркемнәре түбәндәгечә: 18 яшькә кадәр — 2 кеше, 18дән 30 яшькә кадәр — 7 , 30дан 50 яшькә кадәр — 14, 50дән 60 яшькә кадәр — 10, 60тан 70 яшькә кадәр — 7, 70тән 80 яшькә кадәр — 4, 80нән 90 яшькә кадәр 1 очрак ачыкланган.
Казанда — 28, Чаллыда — 4, Югары Осланда — 3, Питрәчтә — 2, Аксубай, Әлмәт, Апас, Буа, Кукмара, Норлат, Саба һәм Тукай районнарында берешәр кеше йоктырган.
27 октябрьгә алынган мәгьлүматлар буенча, Татарстанда барлыгы COVID-19 белән авыруның 8235 очрагы теркәлгән. 
Эпидемия башланганнан бирле коронавирус инфекциясе йоктырган 7096 кеше савыккан, узган тәүлектә — 155 кеше.