Татарстанда яңа коронавирус чикләүләре кертеләчәк

Коронавирус таралу сәбәпле, Татарстанда яңа чикләүләр кертергә җыеналар. 

ТР буенча Роспотребнадзор идарәсе җитәкчесе Марина Патяшина коронавирус инфекциясе таралуны туктату өчен, яңа чикләүләр кертеләчәген әйтте. Җитәкче сүзләренчә, чикләүләр халык күпләп җыела торган чараларга кагылырга мөмкин, дип яза Татар-информ.

Патяшина әйтүенчә, хәзерге вакытта чикләүләр турында фикер алышу бара. 

Аның сүзләренчә, чикләүләр халык күпләп җыела торган чараларга кагылырга мөмкин. «Тамашачылар концерт залына QR-код буенча керергә мөмкин, бу вариантны да карыйбыз. Әлегә фикер алышабыз», — дип сөйләде ул.