Татарстанда янгын турында хәбәр итүче җайланма ярдәмендә биш ел эчендә 103 кеше исән калган

Биш ел эчендә янгын турында хәбәр итүче җайланмалар ярдәмендә 103 татарстанлы исән калган. Бу хакта ТР янгын күзәтчелеге буенча баш инспектор урынбасары Максим Трущин хәбәр итә. 
«Тулаем алганда, 2016 елдан бирле янгын турында хәбәр итүче җайланма хуҗаларга ут турында 49 мәртәбә хәбәр иткән, шул сәбәпле 103 кеше исән калды. Шуларның 43е — балалар», — диде Трущин. 
Мисалга, шундый җайланма аркасында Алексеевск районында фаҗига булмый калды. Янгын турында хәбәр итүче җайланма тавышын ишетеп 14 яшьлек үсмер уттан өч туганын коткарган.