Татарстанда ышанычны югалту сәбәпле 13 түрә һәм депутат эштән азат ителде

Быел Татарстанда ышанычны югалту сәбәпле 13 түрә һәм депутат эшеннән азат ителде. Лаеш, Чирмешән, Түбән Кама, Алексеевск, Тукай һәм Кайбыч районнарыннан халык тарафыннан сайланган алты кеше.

Аларның күбесе керемнәр турында алдан ук дөрес булмаган мәгълүматлар биргән, кайберләре чит ил акцияләренә ия булган, кемдер мәнфәгатьләр конфликтларын җайга салмаган.

Шулай итеп, ышанычны югалту сәбәпле эштән азат ителгәннәр реестры тулыланды, һәм хәзер анда 40 татарстанлы исәпләнә. Бу хакта бүген Татарстан Республикасы Рәисе идарәсе башлыгының коррупциягә каршы сәясәт мәсьәләләре буенча урынбасары Рөстәм Гаязов хәбәр итте.

Әйтик, Чирмешән районында җирле депутат җирле эшмәкәр белән запас частьләр һәм реагентлар сатып алуга килешүләр төзегән. Тик бу акча алу схемасы булып чыкты.

«Тикшерү барышында аның керемнәрендә туры килмәүләр ачыкланды. Нәтиҗәдә аны ышаныч югалту сәбәпле эштән чыгарганнар. Материалларны хокук саклау органнарына тапшырдылар. Җинаять эше кузгатылды. Материалларны прокуратурага тапшырдылар. Әлеге милекне судка бирделәр», — дип хәбәр итте Рөстәм Гаязов.