Татарстанда юлларны ремонтлауга илкүләм проект буенча 12 миллиард сум тотылачак

Быел Татарстанда гомуми озынлыгы 218 километрны тәшкил иткән юлларны ремонтлау планлаштырыла. Эшләр «Имин сыйфатлы юллар» илкүләм проекты буенча башкарылачак. Әлеге эшләргә федераль бюджеттан 9 миллиард сумнан артык акча бүленәчәк. Моннан тыш, Татарстан бюджетыннан 3 миллиард сум юнәлдереләчәк.

Илкүләм проект нигезендә, төбәк әһәмиятендәге 52 юл төзекләндереләчәк. Аларның гомуми озынлыгы 96 километр тәшкил итәчәк. Моннан тыш республиканың барлык зур агломерацияләрендә дә юл-төзелеш эшләре узачак.

«Имин сыйфатлы юллар» илкүләм проектының яңартылган паспорты 2021 елда расланды.