Татарстанлылар өч яшьлек Сәйдә Йосыповага ярдәм итә алачак

Татарстанда яшәүче өч яшьлек Сәйдә Йосыповага ашыгыч рәвештә кыйммәтле операция ясарга кирәк. Кызга битараф булмаган һәркем ярдәм күрсәтә ала. Аны дәвалау өчен акчаны «Алеша» хәйрия фонды җыя.
Өч яшьлек кыз миелодисплазия (арка мие үсешенең бозылуы) белән авырый. Мәкерле авыру аркасында тәннең билдән түбән урнашкан өлешләрендә тайпылышлар күзәтелә, аяк-кулларының сизгерлеге бозылган.
Кыз мүкәләп кенә йөри һәм әйбергә таянып кына тора ала. Аяклары тыңламаганлыктан, кыз аларга кагылуны начар тоя. Сәйдәгә үз вакытында ярдәм кулы сузмасаң, симптомнар акрынлап көчәеп, бала бөтенләй аяксыз калырга мөмкин.
Кызга катлаулы һәм кыйммәтле нейрохирургия операциясе генә ярдәм итә алачак. Аны Израиль табибы Шимон Рохкинд ясарга риза булган.
Операциянең бәясе 45 мең евродан артык, яки 4,3 миллион сум тәшкил итә. Хәзерге вакытта 2,7 миллион сум җыелган. Сәйдәгә ничек ярдәм күрсәтү һәм аның авыруы турында тулырак мәгълүмат белән биредә танышырга мөмкин.