Татарстанлылар экологик диктантта катнаша ала

Быел чара офлайн-форматта һәм https://экодиктант.рус/ порталында онлайн-форматта уза. Офлайн мәйданчыкларны теркәү 1 ноябрьдән 10 ноябрьгә кадәр дәвам итә.

Экологик диктант тест формасында узачак, анда барлыгы 25 сорау. Биремнәр катлаулылыклары буенча 4 категориягә бүленгән. 

Биремнәрне үтәүгә барлыгы 45 минут вакыт биреләчәк. Тест барышында төрле мәсьәләләр, шул исәптән энергия һәм ресурсларны саклау, экологик куркынычсызлыкны тәэмин итү, экологик гадәтләр формалаштыру һәм экология белән бәйле башка мәсьәләләр каралачак.

Диктант нәтиҗәләре буенча катнашучылар катнашучы сертификаты яки җиңүче дипломы белән бүләкләнәчәк.