Татарстанлылар ТР Сәламәтлек саклау министрлыгы хезмәткәрләренә сорау бирә алачак

2022 елның 12 сентябрендә 10.00 сәгатьтән 12.00 сәгатькә кадәр Россия Федерациясе Президентының Татарстан Республикасындагы кабул итү бүлмәсендә «Медицина хезмәте күрсәтү, көзге чорда дару препаратлары белән тәэмин итү» мәсьәләсе буенча гражданнар белән телефон элемтәсе режимында «Туры линия» уздырыла.

Гражданнарның сорауларына Татарстан Сәламәтлек саклау министрлыгы хезмәткәрләре җавап бирәчәк:

1. Фармация буенча идарә башлыгы — Пологов Артур Олегович; 

2. Дәвалау һәм профилактик ярдәм идарәсенең дәвалау ярдәме бүлегенең әйдәп баручы киңәшчесе — Хәйруллина Карина Таһир кызы; 

3. Дәвалау һәм профилактик ярдәм Идарәсенең балаларга медицина ярдәмен һәм бала табуга ярдәм итү хезмәтен оештыру бүлегенең әйдәп баручы консультанты — Вәлиева Гүзәл Дамир кызы; 

4. Гражданнарның хатлары һәм мөрәҗәгатьләре белән эшләү секторының әйдәп баручы консультанты — Шиһабетдинова Гөлия Данил кызы. 

Туры линия телефоны: 8 843 221-80-35.