Татарстанлыларга республикада пилотсыз аппаратларны куллануның тыелуын искә төшерделәр

Татарстанда пилотсыз очу аппаратларын куллану тыела. Бу — дәүләт хакимияте һәм оешмалары, яки җирле үзидарә органнары кулланган техникага кагылмый.

Май бәйрәмнәрендә күк йөзен көчәйтелгән режимда күзәтәчәкләр. 

Моңа кадәр ТР Рәисе дәүләт органнары тарафыннан йөкләмә яки очышлар үткәрүгә рәсми рөхсәт булмый торып, гражданнарга пилотсыз очкычларны куллану тыелу турында Указга кул куйган иде.

Пилотсыз аппаратларны күргән очракта, ашыгыч хезмәтләрнең бердәм чакыру номеры буенча шалтыратырга кирәк — 112.