Татарстанда 2 миллионнан артык кеше тавыш бирүдә катнашкан

Татарстанда РФ Конституциясенә төзәтмәләр буенча 2 миллионнан артык граждан тавыш биргән. Бу хакта ТР Үзәк сайлау комиссиясе рәисе Андрей Кондратьев хәбәр итә.
Аның әйтүенчә, 30 июнь киченә алынган мәгълүматларга караганда, 2 миллион 56 мең 727 кеше тавыш биргән, бу сайлаучыларның гомуми саныннан 69,85 процент тәшкил итә.
Бүген, 1 июльдә, Россиядә РФ Конституциясенә төзәтмәләр буенча тавыш бирүнең төп көне. Татарстанда плебиситта барлыгы 65 территориаль һәм 2,8 мең участок сайлау комиссиясе эшли.