Татарстанлыларны ноябрьдә кыска эш атнасы көтә

Республика халкын ноябрьдә өстәмә ял көне көтә. Халыклар бердәмлеге көнен бәйрәм итү уңаеннан ноябрьдә өстәмә ял көне көтелә. Бу хакта Татарстан Хезмәт министрлыгының җитештерү календареннән билгеле булды. 

«Республикада 4 ноябрь — Халыклар бердәмлеге көне, ә 6 ноябрь — ТР Конституциясе көне, эшләми торган бәйрәм көннәре булып санала», — диелә документта. 

Шулай ук ведомствоның матбугат хезмәтендә хәбәр итүләренчә, 4, 5 һәм 6 ноябрьдә халык ял итә, ә 3 ноябрь — кыскартылган эш көне.